Ezkio-Itsaso Udala

 2010-02-16: ANTOLAKUNTZA HELBURU

Ezkio-Itsasoko Udala herriko lur sailen mugetan dagoen arazoa konpontzeko pausoak ematen hasi da. Herritarrek lagundu egin beharko dute, beren lurrak identifikatuz eta mugak zehaztuz.
Ezkio-Itsasoko Udalak kezka handia plazaratu du azken hilabeteetan herriko nekazaritza lurren arteko mugetan agertutako arazoa dela eta. Egoera guztiz desantolatua da: katastroko planoan lursailen muga gehienak gaizki daude; partzela batzuk nahastuta ageri dira, izen desegokiarekin, baita baserri askoren jabetzak ere; ez dira benetan dauden partzela guztiak ageri; eskrituratu gabeko lur sailak daude oraindik, erregistratu gabekoak ere bai; lur askotako mugak nondik nora doazen inork ez daki; katastroan agertzen diren zenbait lurren eskriturak egon badaude, baina terrenoa non kokatzen den ez daki inork, ezta euren jabeek ere; lur sailak guztiz zatituta daude, baso eremuetan batez ere, eta jabeen artean zehaztu beharko dute zein zati den norena, askotan bost, sei, zazpi eta zortzi lurjabe arte baitaude.
«Lursailen antolaketa egoera desegokia da oso eta arazo honi lehenbailen eman behar zaio amaiera », azaldu du Inaxio Galdosek, Ezkio-Itsasoko Udaleko Nekaza«Lursailen antolaketa egoera desegokia da oso eta arazo honi lehenbailen eman behar zaio amaiera », azaldu du Inaxio Galdosek, Ezkio-Itsasoko Udaleko Nekazaritza zinegotziak. Izan ere, aspalditik datorren arazoa da hau. 1950eko hamarkadan orduko teknologiekin hartutako datuak dira katastroan ageri direnak. Hainbat datu gaizki ageri dira garai hartatik eta oraindik ere zuzenketak egin gabe daude. Lur jabeek buru hauste handiak izan dituzte euren lurren inguruko datuak jakiterakoan eta alferrikako gastuak ere bai sailak zehazterakoan, lurrak saldu edo erosterakoan, landaketak edota pistak egiterakoan nahiz herentziak egin eta jasotzerako garaian.
Arazoari amaiera ematea korapilatsua da ordea, eta Udalak badaki hori. Horregatik, herritar guztien parte-hartzea beharrezkotzat jotzen du. «Erakutsi duten borondatea zoragarria izan da eta horixe izan da Udalak arazo honi heltzeko arrazoi nagusia», Galdosen hitzetan. Denbora luzean irtenbide egokiaren bila aritu ondoren lanean hasteko garaia iritsi da: katastroan agertzen diren oker guztiak zuzendu eta mugak GPS bidez finkatuko dituzte. Baso-bideen inbentarioa ere egingo dute, gisako arazorik berriz ager ez dadin.
Herritarren partaidetza oinarri
Lurjabeen lana guztiz beharrezkoa izango da aurrerapausoak egiten hasteko. «Interesa dutenek lehenbailen eman behar dute izena udaletxean, baina herritar gehienak euren mugakideekin akordioetara iritsi beharko direnez, zeharka bada ere guztiek parte hartuko dute ».
Hain zuzen, ostiralean herritarrekin bilera egin zuen Udalak, prozesuaren nondik norakoak azaltzeko. 80 lagunetik gora agertu ziren, bakoitzak zer egin beharko duen jakiteko. Gehienak bat zetozen denboran zehar uzten joan den gai bat dela eta zerbait egiten hasteko garaia badela esaterakoan. «Jendea ahalik eta gutxien mugitzea da nahi duguna, konplikazioak ahalik eta murritzenak izan daitezen », azaldu zieten Udaleko ordezkariek ezkiotar eta itsasoarrei.
Zeregin zehatzak
Udaleko ordezkarien arabera interesa dutenek lehenbailen hasi beharko dute lanean, dena ongi atera dadin. Lurrak zehaztu beharko dituzte eta horretarako lursailaren mugakideekin hitz egin beharko dute, kontsentsura iristeko. «Lur jabe baten lurrek beste zortzi lurjaberen lurrekin muga egiten badute, guztiekin hitz egin beharko du», azaldu zuten Udaleko ordezkariek. Sei hilabeteko epean mugak nahiz terrenoetarako bideak garbitu egin beharko dituzte eta mugarriak edo gisakoak jarri ere bai. Kokapena planoetan zehaztu beharko da, eta lurjabe guztien planoetan mugek bat etorri beharko dute. Udaletxera eraman beharko dituzte ondoren teknikariek azter ditzaten.
Azken batean, herritar guztien kolaborazioa beharko dute Ezkio- Itsason arazoari behin betiko amaiera emateko. Kasu guztietan udaletxean gaiari lotutako edozein kezkari erantzungo diote, asteazkenetan 17:00etatik 19:00etara bitartean. Herritarrek borondate ezin hobea erakutsi dutela eta denen artean prozesua ongi aterako delakoan daude Udaleko kideak.
«Proiektu hau ongi ateraz gero herri askoren eredu izan gaitezke.
Behin herritarrekin lanean hasita, arazoari lehenbailehen amaiera ematea da Ezkio-Itsasoko Udalaren helburu nagusia. Inaxio Galdos ari da horretan lanean
Noiztik dator Ezkio-tsasoko lurren
Aspaldidanik datozen arazoak dira. Udalean kontsulta asko egiten zituzen herritarrek terrenoak zehazteko eta topatzeko zituzten arazoengatik. Arazo larriena mendi aldean dago, aktibitate gutxiago dagoen lurretan. Horietako asko utzita daude, zikindu egin dira, pistak egiterako garaian mugak desagertu dira, sarri jabeen datuak desegokiak dira, herritar askok bereak ez diren lurren zergak ordaintzen dituzte eta jakin ere ez dakite... Garbi daukaguna da katastroan agertzen diren mugak ez direla zuzenak, eta portzentaje handi batean gainera. Muga horiek orientatiboak dira, ados, baina inondik inora ere ez dira zehatzak.
Noiz ekin diozue lanari?
Gaia hor zegoela bagenekien, kosta egin zaigu heltzea. Izazpiko lurrak larre toki bihurtu genituenean konturatu ginen arazoaren tamainaz. Harresi berdinarekin topo egin genuen orduan, baina Udalaren eta herritarren elkarlanarekin ongi atera zen. Azpimarratzekoa izan zen jendeak izandako borondatea eta jarrera. Hori izan zen herrian prozesua errepikatzera bultzatu gintuena. Dena ongi ateraz gero herri askoren eredu izan gaitezke seguruenera.
Zenbat denbora beharko duzue?
Sei hilabeteko epea jarri dugu Udalean lanerako. Hasiera batean ez dut uste mugakideen artean arazo handirik izango denik. Jendeak ere badu arazo honi amaiera emateko gogoa, betiko itxiko dugun zerbait baita. Lursailen garbiketa izango da seguruenik denbora gehien hartuko duena, kalean bizi den jendearentzat batez ere.
Zein da zure gomendioa?>/strong>
Herritarrak lanean lehenbailehen hastea oso garrantzitsua da nire ustetan. Oraintxe hasiz gero lehenago amaituko dute lan guztia eta azkarrago emango dute itxitzat kapitulu hau. Zain egon gabe euren lurren mugakideei deitu eta bilerak egiten hastea da nire gomendioa, behin elkarrizketak martxan jarriz gero errazagoa izango baita arazoari amaiera ematea.
Txarrera pentsatzen jarri zarete?
Ez askorik, baina hori ere egin beharreko zerbait da. Prozesua inon geratuko balitz puntu konkretuetan izango litzateke, lurjabe batzuen desadostasunak direla eta. Baina argi daukagu proiektuaren %70 edo %80 egingo dela eta ongi aterako dela, aurreikusitako epean gainera. Ager litezkeen arazoek zenbaiterako denbora kenduko luketen kalkulatzen ez nuke jakingo, baina oso puntualak izango liratekeela iruditzen zait.