Ezkio-Itsaso Udala

EUSKERA IKASTEN ARI DIREN HERRITARRENTZAT DIRU LAGUNTZAK ARAUTZEN DITUEN ORDENANTZA BERRIA.

Honen bidez adierazten da Ezkio-Itsasoko Udal Osoko Bilkurak, 2010-12-23ko bileran, euskera ikasten ari diren herritarrentzat diru laguntzak arautzen dituen ordenantza berria onartu zuela. Honako hau da laburbilduta Ordenantzaren edukia:

 Onuradeusunak:

• Euskaltegietara euskera ikastera joan diren herritarrak. Ikastaroak trinkoak, arinak, luzeak nahiz motzak izan daitezke.
• Barnetegietara euskera ikastera joan diren herritarrak. Kasu horretan bakarrik ikastaroen gastuak sartzen dira (egonaldi gastuak ez).

 

 Bete beharreko baldintzak:

• Eskatzailea Ezkio-Itsason erroldatuta egotea.
• Ikastaroa amaitzea.
• Ikastaroa ongi aprobetxatzea eta gutxieneko asistentzia izatea.
• Zerga-betebeharrak egunean izatea udalarekin.
• 18 urte beteta izatea.

 

 Aurkeztu beharreko dokumentazioa:

• Udalaren dirulaguntza eskabidea behar bezala beteta.
• Nortasun agiriaren fotokopia.
• Langabetuen kasuan, ikasturteak iraun duen bitartean langabezian egon izanaren ziurtagiria.
• Ikasleen kasuan, ikasturteak iraun duen artean ikasten egon izana frogatzeko matrikula orria.
• Banketxe edo aurrezki kutxak sinatutako agiria, kontu korrontearen titularra bera dela egiaztatzen duena.
• Banketxe edo aurrezki kutxak emandako agiria, matrikularen diru-sarrera egin dela egiaztatzen duena.
• Euskaltegiak edo barnetegiak emandako ziurtagiria. Bertan argi eta garbi azaldu beharko dituzte honako puntu hauek:
  • Ikasleak ordaindu duen matrikula kopurua
  • Ikasleak ongi aprobetxatu duen ala ez ikasturtea (hasierako maila, egin zaizkion probak eta amaieran gainditu duen maila).
  • Ikasleak urtean zehar izan duen asistentzia. Agiri hori ikastaroa amaitzean aurkeztu beharko da.

 Diru laguntzak banatzeko irizpideak:

• Lanean ari direnentzat: euskalduntze, alfabetatze, EGA, sakontze ikastaro eta antzerako ikasketak egin dituztenei matrikularen %50ª emango zaie, beti ere eskola orduen %80era joateaz gainera, HABEk ezarritako irizpideen arabera, ikasturteari dagozkion urratsak gainditu izanaren egiaztagiria lortu eta aurkezterakoan.
• Langabezian daudenentzat: euskalduntze, alfabetatze, EGA, sakontze ikastaro eta antzerako ikasketak egin dituztenei matrikularen %65ª emango zaie, ikasturteak iraun duen artean langabezian egon edo ikasketak egiten egon izana frogatzen dutenei, asistentzia eskola orduan %90era joan izanaren egiaztagaria aurkezten badute, HABEk ezarritako irizpideen arabera, ikasturteari dagozkion urratsak gainditu izanaren egiaztagiria lortu eta aurkezterakoan.
• Ezkio-Itsasoko Udalak egokiak ikusten dituen kasu bereziak aztertzeko eta kasu berezi bakoitzari egokitutako erabakia hartzeko eskumena izango du.
• Irizpide hauek guztiak urteko aurrekontuan zehaztutako kopuruen menpe egongo dira, hau da, irizpide hauek jarraituko dira diru-banaketa egiteko, betiere aurrekontuak ahalbidetzen duen neurrian, horregatik Ezkio-Itsasoko Udalak urteko aurrekontua onartzen duenean ezarriko du gehienez banatuko den kopurua.

 

 Eskaerak eta dokumentuak aurkezteko epea:

• Eskaerak eta dokumentuak aurkezteko epea barnetegian edo euskaltegian ikastaroa amaitzen den egunetik hilabetera amaituko da.