Ezkio-Itsaso Udala

Ezkioko herrigunetik gorantz doan bidexkari jarraituta iristen da bertara. Santa Marinako baseliza eta inguruan dagoen parke atsegin bat aurkituko ditugu.

SANTA MARINA BASELIZA

Hilerriari atxikia dago. Ezkioko erdigunetik bertaratu daiteke, plazatik eta elizatik sortzen den bideari gorantz segituz.
Hamaikako bi ilaratan, 22 hilobi daude. Aldarea apaintzen duen Santa Marinaren irudia modernoa da. Beste txoko batean San Isidroren irudia dago. Hareharriz landutako bi ur bedeinkatu ontzi daude.


Santa Marinaren irudia dagoeneko erretaula polikromatua da. Bere eskuinetara Asisko San Frantzisko eta ezkerretara San Isidro ageri dira. Sabaitik olio lanpara zahar bat dago zintzilikaturik. 1621eko abuztuaren 29an egin zen bilera baten ostean, bizilagunek baseliza eraikitzea erabaki zuten. Harri lana Francisco de Ibarçabal azkoitiarrak egin zuen.
 Urte guztian zehar meza bakarra ematen da, Santa Marina egunean hain zuzen ere (uztailak 18).

Santa Marina baseliza eta kanposantuaren atzeko aldean atsedenerako eta naturaz gozatzeko parke atsegin bat aurkituko dugu. Bertan zuhaitz mota desberdinak, mahaiak, aulkiak eta edateko ur ona duen iturri bat ere topatuko ditugu.